ଚଳଚ୍ଚିତ୍ର ନିର୍ମାତାମାନଙ୍କ ତରଫରୁ ଦାଖଲ ହୋଇଥିବା ଆବେଦନରେ ସେନ୍ସର ବୋର୍ଡ ଉପରେ ଅନେକ ଅଭିଯୋଗ ଲଗାଯାଇଥିଲା। ଏଥିରେ କୁହାଯାଇଥିଲା ଯେ ଏହା ସେମାନଙ୍କ ମୌଳିକ ଅଧିକାରର ଉଲ୍ଲଂଘନ। ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ଉପରେ ନିର୍ମିତ ଚଳଚ୍ଚିତ୍ରକୁ ବମ୍ବେ ହାଇକୋର୍ଟରୁ ସବୁଜ ସଙ୍କେତ ମିଳିଛି। ଏହି ଚଳଚ୍ଚିତ୍ର ଏବେ ଶୀଘ୍ର ରିଲିଜ୍ ହୋଇପାରେ। ଏହି ଚଳଚ୍ଚିତ୍ରର ଶୀର୍ଷକ ହେଉଛି ‘ଅଜୟ: ଦି ଅନଟୋଲ୍ଡ ଷ୍ଟୋରୀ ଅଫ୍ ଏ ଯୋଗୀ’। ଏହାର ରିଲିଜ୍ ନେଇ ବମ୍ବେ ହାଇକୋର୍ଟରେ ଶୁଣାଣି ହୋଇଥିଲା। ହାଇକୋର୍ଟ ସ୍ପଷ୍ଟ କରିଥିଲେ ଯେ ପ୍ରଥମେ ସେ ଚଳଚ୍ଚିତ୍ରଟି ଦେଖିବେ, ତା’ପରେ ଏହା ସମ୍ପର୍କରେ ନିର୍ଦ୍ଦେଶ ଜାରି କରାଯିବ। ଏହାପରେ ଏବେ ଚଳଚ୍ଚିତ୍ର ନିର୍ମାତାମାନଙ୍କୁ ଆଶ୍ୱସ୍ତି ମିଳିଛି।
ଚଳଚ୍ଚିତ୍ର ନେଇ ନିର୍ମାତାମାନଙ୍କ ତରଫରୁ ସେନ୍ସର ବୋର୍ଡ ଉପରେ ଅଭିଯୋଗ ଲଗାଯାଇଥିଲା ଏବଂ ବିଳମ୍ବ ହେଉଥିବା କଥା କୁହାଯାଇଥିଲା। ଏହା ଉପରେ ହାଇକୋର୍ଟ ଶୁଣାଣି କରି ଏବେ ବଡ଼ ଆଶ୍ୱସ୍ତି ପ୍ରଦାନ କରିଛନ୍ତି। ହାଇକୋର୍ଟ ନିର୍ମାତାଙ୍କ ଆବେଦନକୁ ସଠିକ୍ ବୋଲି ଗ୍ରହଣ କରିଛନ୍ତି ଏବଂ ଏବେ ଏହି ଚଳଚ୍ଚିତ୍ର ରିଲିଜ୍ ହେବ। ହାଇକୋର୍ଟଙ୍କ ନିର୍ଦ୍ଦେଶ ପରେ ଏବେ ନିର୍ମାତାମାନେ ଆଦେଶର ନକଲ ନେଇ ଚଳଚ୍ଚିତ୍ରର ରିଲିଜ୍ ତାରିଖ ଘୋଷଣା କରିବେ।
Leave a Reply